ඩිම්බකෝෂ ගත වතුර බිබිලි සුවකරන ආයුර්වේද ප‍්‍රතිකාර

ඩිම්බකෝෂ ගත වතුර බිබිලි සුවකරන ආයුර්වේද ප‍්‍රතිකාර

fShare

ඩිම්බකෝෂවල කුඩා වතුර බිබිලි මතුවීම කාන්තාවන් අතර ඉතා බහුල රෝග තත්ත්වය ක් බවට පත්වී ඇත. මෙවැනි කාන්තාවන්ගේ විශේෂයෙන් දැකගත හැකි රෝග ලක්ෂණ කිහිපයකි.
 
 x අක‍්‍රමවත් ඔසප් චක‍්‍රය
 
 x තරබාරු බව
 
 x මුහුණේ හා සිරුරේ අනවශ්‍ය රෝම වර්ධනය
 
 x කුරුලෑ තත්වය
 
 x මාසික ඔසප්වීම් නතර වීම
 
 x මානසික ආතතිය
 
 x රුධිර පීඩනය වැඩි වීම
 
 x හිසකෙස් ගැලවීයෑම හා තුනී වීම
 
 x ඇල්කොහොල් සම්බන්ධතාවයක් නොමැතිව අක්මාවේ තෙල් තැම්පත් වීම (non alcoholic fatty liver)
 
 x ඉන්සියුලින් සඳහා ප‍්‍රතිරෝධය දැක්වීම නිසා රුධිර ගත් සීනි මට්ටම ඉහළ යාම
 
 x හෘදය ආශ‍්‍රිතව හටගන්නා රෝග තත්ත්ව
 
 x රුධිර ගත කොලෙස්ටරෝල් මට්ටම ඉහළ යෑම
 
 x දරුඵල අහිමි වීම
 
 මෙම රෝග ලක්ෂණ වලින් පෙලෙන කාන්තාවක් නම් නොපමාව වෛද්‍ය ප‍්‍රතිකාර සඳහා යොමුවිය යුතුයි . මෙහි අවසානයේ දියවැඩියාව, කොලෙස්ටරෝල්, හෘද රෝග අක්මා රෝග ආදියට පවා ලක් විය හැකි වීම භයානක තත්ත්වයයි. ඊට අමතරව සුන්දර යුග දිවියක යුවලක් බලාපොරොත්තු වන සැනසීම දරු පැටවකු වේ. මේ හේතුවෙන් දරුඵල අහිමි වීම ඉතා
 
 අභාග්‍යසම්පන්න ක‍්‍රියාවකි. මෙම රෝග තත්ත්වයේදී ඩිම්බකෝෂයේ ඩිම්බ කිහිපයක් වර්ධනය වන නමුත් ඒ එකක් හෝ නිසි ප‍්‍රමාණයට වර්ධනය වීමක් සිදු නොවේ. එබැවින් ඩිම්බකෝෂ තුල එම ඩිම්බ වතුර බිබිලි මෙන් දිස් වෙයි.
 
 හෝමෝන සමතුලිතතා ජන්‍ය රෝගී තත්ත්වයක් ලෙස සැලකිය හැක. එබැවින් මෙයට ප‍්‍රතිකාර යෙදීමේදී හෝමෝන සමතුලිතතා ඇති කළ යුතුයි. බටහිර වෙදකමේදී මේ සඳහා හෝමෝන පෙති අභ්‍යන්තර ඔසු ලෙස ලබා දීම සිදුවේ. එමගින් ක‍්‍රමානුකූල මාසික ඔසප්වීම් පවත්වා ගත හැක. නමුත් දරු පිළිසිඳ ගැනීමක් බලාපොරොත්තු වන යුවලකට මෙම හෝමෝන පෙති ලබා ගැනීම නුසුදුසු වේ. එවැනි අවස්ථාවන් වලදී ඩිම්බ මේරීම සඳහා එන්නත් ලබා දී බොහෝ විට සාර්ථක ගැබ් ගැනීම් සඳහා කාන්තාව යොමු කරවයි. එසේත් අසාර්ථක වූ විට ((IUI)  ක‍්‍රමය මගින් සංසේවනය කර තැම්පත් කරවයි. බොහෝ අයට මෙම ක‍්‍රමයද සාර්ථක වේ.
 
 නමුත් සමහර කාන්තාවන් හට මෙම එක් ක‍්‍රමයක් හෝ සාර්ථක නොවන අවස්ථා බහුලව අපි දැක තිබේ. එවැනි අසරණ කාන්තාවන් වෙනුවෙන් සාර්ථක ආයුර්වේද ප‍්‍රතිකාර යොදා ගැනීම සිදු කළ හැක. ලංකාව පුරා ව්‍යාප්තව පවතින සෑම ආයුර්වේද රෝහලකම පාහේ කාන්තා රෝග සායනයක් පවත්වනු ලැබේ. අභ්‍යන්තර ඖෂධ මෙන්ම තෛල අභ්‍යංග, වාෂ්ප ස්වේද ( body massage and steam bath) නස්න කර්ම, ශිරෝධාරා වැනි ප‍්‍රශස්ථ ඔසු රෝගීන් සඳහා නිර්දේශ කිරීම මෙහිදී සිදු වේ. මෙවැනි කාන්තාවන්ටද ඉතා පහසුවෙන් නොමිලේම එම රෝහල් වලින් ප‍්‍රතිකාර ලබා ගත හැක. ඡුඣ රෝගය සුව කළ හැක. නොබියව හා නොපමාව ආයුර්වේද ප‍්‍රතිකාර සඳහා යොමු වී සුවපත් වන්න.