කොරියානු කතා

රූපවාහිනියේ කොරියානු කතා මාලාවන් සිංහල භාෂාවෙන් හඬකවා විකාශනය කිරීම ආරම්භ කරාට පස්සෙ අපේ රටේ ජනතාවත් කොරියානු කතාමාලා බලන්න පුරුදු වුනා.කොරියානු නළු නිළියන් ඉන්න day card, poster වගේ දේවල් උණු කැවුම් වගේ විකිණෙන්න පටන්ගත්තා.ගොඩක් අය ආස කරන කොරියානු කතා ගැන තමයි මේ post එකෙන් මන් කතා කරන්න යන්නෙ.
චංගුමී ඉන්න සුජාත දියණි ටෙලිනාට්‍යයෙන් පටන්ගත්ත කොරියානු කතාවල ජනප්‍රියත්වය Boys over flowers ටෙලිනාට්‍යත් සමගම තවත් වැඩි වුණා.
මම සාමාන්‍යයෙන් බලන්න කැමති American TV series. කුතුහලය,ත්‍රාසය, ආදරය මේ හැම දෙයක්ම එකට මිශ්‍ර වුන , කොයිතරම් බැලුවත් එපා නොවෙන කතාමාලාවන් බලලා ඉවර කරන්න බැරි තරම් තියනව.ඒ වගේම කොරියන් TV series වුණත් නරකම නෑ කියල මට පස්සේ තේරුණා. :) :D
මමත් මුලින්ම කොරියානු කතාවලට වැඩි කැමැත්තක් දැක්වුවේ නෑ.හැමෝම වගේ චංගුමීට පිස්සු වැටිල ඉන්න එක විකාරයක් විදියටයි මට දැනුනේ.මම සුජාත දියණිය නම් කොහොමටවත් බැලුවෙම නෑ.දවසක් මගේ හොඳම යාළුවෙක් මට කොරියානු TV Series වගයක් දුන්නා.මට බලන්නම දෙයක් තිබුණේ නැති දවසක මම ඒවා බලන්න පටන්ගත්තෙ. මම බලපු පලවෙනිම කොරියානු TV Series එක තමයි Playful Kiss.ඒ කතාව බැලුවට පස්සේ තමයි මාත් කොරියන් කතා බලන්න පටන්ගත්තේ.

Playful kiss

ගොඩක් කතා එකම වගේ.හැම කතාවෙම වගේ අන්තිමට වෙන්නෙ කෙල්ලයි කොල්ලයි යාලු වෙන එක.බොහෝ දුරට දෙන්නම ඉන්නෙ එකම ගෙදර.එහෙම නැත්නම් මොකක් හරි හේතුවක් නිසා එකම තැන ජීවත්වෙන්න එයාලට සිද්ධ වෙනව.මේ වගේ දේවල් එක්කම තවත් ගොඩක් සමානකම් හැම කතාවෙම වගේ තියෙනවා.තවත් දෙයක් තමයි මේ කතා ගොඩක් බොලඳයි.තාත්වික නැති සිදුවීම් බහුලයි.
තවත් දෙයක් තමයි කොරියානු සමාජයේ ඇත්තටම එහෙමයිද කියල හිතෙන තරමටම පිරිමි පාර්ශවය ගැහැණු අයට ගොඩක් ගරු කරනව. (ඇත්තටම එහෙම වෙන්නත් පුළුවන්)
කොරියාවේ ජීවත් වෙන හැම පවුලම පෝසත් වගේ තමයි ඒ කතා බලන අපිට හිතෙන්නේ.දුප්පත් අය අඩුවෙන්ම ඉන්න පෝසත් මිනිස්සු වැඩිපුර ඉන්න රටක් වගේ පෙන්නුවාට ඒක එහෙම නෑ.ඒ රටෙත් හැම විදියෙම මිනිස්සු ජීවත් වෙනව.හැම කතාවෙම පෙන්නනව වගේ තාත්වික ලෝකෙදි පෝසත් පිරිමි ළමයි ඔක්කෝම දුප්පත් හෝ සාමාන්‍ය පවුල්වල ගැහැණු ළමයින්ව විවාහ කරගන්නෙත් නෑ ඉතින්.

දැන් ඔයාල හිතනව ඇති මෙච්චරටම අඩුපාඩු තියනවනම් ඇයි මම ආසාවෙන් බැලුවෙ කියල.අඩුපාඩුවලට වඩා වැඩියෙන් හැම කතාවකම හොඳ දේවල් ගොඩක් තියෙනවා.අපේ ජීවිතවලට එකතු කරගන්න ඕන දේවල්, ඒ වගේම අපි සමාජය ජීවිතය ගැන හා ගැටලුවලට නිවැරැදිව මුහුණදෙන විදිය මේ හැම කතාවකින්ම වගේ ඉගෙනගන්න පුළුවන්කම ලැබෙනවා. හැම සිදුවීමකින්ම ජීවිතයට එකතු කරගන්න පුළුවන් දේ එකතු කරගන්න එක තමයි වැදගත් වෙන්නේ.

කොරියානු ටෙලිනාට්‍ය බලන්න ආස හිතෙන්න හේතුවෙන තවත් හේතුවක් තියෙනවා.ඒ තමයි රඟපාන නළු නිළියන්ගේ කඩවසම් බව හා සුන්දරත්වය. සමහරුන්ට ප්‍රධාන නළුවයි නිළියයි දැක්කම ඇති කතාව මොකක් උනත්.ඒ තරමට එයාල ලස්සනයි. ;)

ඒ වගේම හැම කතාවක්ම හරිම සුන්දරයි.දර්ශන තලයන් හරිම දැකුම්කළු විදියට නිර්මාණය කරල තියෙනවා.බලන්න ආස හිතෙන විදියටම.