කිලෝග්රෑමයේ බර වෙනස් වේ
කිලෝග්රෑමය යනු ස්කන්ධය පිළිබඳ ජාත්යන්තර ඒකකය බව ඔබ දනියි. රාත්තල යනු ස්කන්ධය පිළිබඳ බි්රතාන්ය ඒකකයයි එය අපේ පැරැුණි ස්කන්ධ ඒකකයි කිලෝග්රෑමයක් යනු රාත්තල් 2.2 කි. රාත්තලක් යනු ග්රෑම් 453.56 කි. (ආසන්න ලෙස ග්රෑම් 454 කි.)කිලෝග්රෑමය නම් ඒකකයේ ආදර්ශය (prototype kilogram) ඇත්තේ ප්රංශයේ සෙව්රස්හි පිහිටි කිරුම් මිණුම් කාර්යාංශයේ ය. එය ප්ලැටිනම් - ඉරිඩියම් මිශ්ර ලෝහයෙන් නිමවා ඇත. මෙම ස්කන්ධයට හරියටම සමාන අනු පිටපත් 6 ක් ද සුරක්ෂිතාගාරයේ ඇත. මෙම අනුපිටපත් 6 හි අනුරූප 36 ක් ද ලෝකයේ රටවල් කීපයක ආරක්ෂිතව තබා ඇත.
ප්රංශයේ සෙව්රස් හි කිරුම් මිණුම් කාර්යාංශයෙහි තබා තිබෙන ආදර්ශ කිලෝග්රෑමය සම්මත කරන ලද්දේ 1899 දී ය. එය ප්රංශයේ සෙව්රස් හී කිරුම් මිණුම් කාර්යාංශයේ බිම් මහලේ පිහිටි විශේෂ කුටියක ඝණ්ඨාසරා 3 කින් වට කර සුරක්ෂිතව තබා ඇති අතර, හැම අවුරුදු 50 කට වරක් එම ස්ථානයෙන් ඉවතට ගෙන එහි අනුරූ 6 සමග සංසන්දනය කරනු ලැබේ. මෙම සුරක්ෂිතාගාරය විවෘත කළ හැකි යතුරු 3 ක් වගකිවයුතු තිදෙනකු ළඟ තබාගෙන ඇත. අවසන් වරට මෙසේ ආදර්ශ කිලෝග්රෑමය අනුරූ සමග සංසන්දනය කරද්දී දක්නට ලැබුණේ බලාපාරොත්තු නොවූ ප්රතිඵලයකි. එනම් සම්මත ආදර්ශ කිලෝග්රෑමය මයික්රෝග්රෑම් 50 කින් අඩුවී ඇති බවය.
ආදර්ශ කිලෝග්රෑමයේ සිදුවී තිබෙන මෙම ස්කන්ධ අඩුවීම ඒ හා සම්බන්ධ බොහෝ මිණුම්වලට ද බලපාන බැවින් ආදර්ශ කිලෝග්රෑමය හැමවිටම නොවෙනස්ව තිබිය යුතු එකකි.භෞතික වස්තුවක් සම්මතය සේ ගත් විට එහි ස්කන්ධයේ වෙනස්කම් සිදුවිය හැකිය. එබැවින් ස්කන්ධය සඳහා වෙනත් සම්මතයක් කරා යෑමට ලෝකයේ ප්රධාන පෙළේ විද්යාඥයෝ ඒකමතිකව තීරණය කළහ. එහි ප්රතිඵලය වූයේ 2018 නොවැම්බර් 16 වැනිදා ලෝකයේ ප්රධාන පෙළේ විද්යාඥයන්ගේ සහභාගීත්වයෙන් ප්රංශයේදී පැවැත්වුණු මහා සමුළුවකදී අවුරුදු 129 ක් පැරණි ආදර්ශ කිලෝග්රෑමය වෙනුවට එම ස්කන්ධයට සමාන නියත ස්කන්ධයක් ගැන කියැවෙන භෞතික විද්යා සර්ව නියතයක් ආදර්ශ කිලෝග්රෑමය ලෙස සම්මත කර ගැනීමයි. මෙම සම්මතය මෙම වර්ෂයේ (2019) මැයි 20 වැනි දින පටන් මුළු ලෝකය පුරා ව්යවහාරයට පත් විය. කිලෝග්රෑමයේ අලූත් සම්මතයට පදනම වන්නේ තරංග යාන්ත්ර විද්යාවේ භාවිත වන සාර්වත්ර නියතයක් වන ප්ලෑන්ක් නියතයයි. එය කිසිදා වෙනස් නොවන්නකි. මෙම සම්මතය විද්යාවේ පමණක් නොව දර්ශනයේ ද විජයග්රහණයක් බව විද්යාඥයෝ පවසති.
මෙහි පහත දක්වා තිබෙන්නේ ප්ලෑන්ක් නියතයයි. කාල ඒකකය තත්පර :s) හා දිග ඒකකය මීටර :m) වන අතර ස්කන්ධය ඒකකය kg වන්නේය. ඒ සියල්ල ම මෙම නියතයට හසු වේ. මෙය තේරුම් කිරීමට ඉතා අපහසු සංකීර්ණ ගණිතමය ප්රකාශනයකි.
ප්ලෑන්ක් නියතය :
6.62607004x10-34 m2kg/s
එබැවින් එය මෙසේ ප්රකාශනයක් සේ දක්වනු විනා විග්රහ කිරීමට කල්පනා නොකරමි.
Comments
Post a Comment