නින්දෙන් ඇවිදීම සම්බන්ධ විවිධ මත පවතී. මෙය මානසික රෝගී තත්ත්වයක් ද නැතහොත් භූත බලවේගයන්ගේ බලපෑමක් ද යන්න සමාජයේ සුලභව පවතින ගැටලූවක් වන නමුත් මෙය නින්දේ එක් අවස්ථාවක ඇතිවන හානිකර නොවන තත්ත්වයකි.
නින්දෙන් ඇවිදීම ගැඹුරු නින්දේදී ඇතිවන තත්ත්වයකි. මෙය කුඩා ළමුන් අතර බහුලව දක්නට ලැබේ. සාමාන්යයෙන් මෙය ජනගහනයෙන් සියයට 1 ත් 15 ත් අතර පිරිසකට පැවතිය හැකි බව නින්ද පිළිබඳ ජාත්යන්තර පදනම මගින් පෙන්වා දේ.
මෙය බහුලව දක්නට ලැබෙන්නේ වයස අවුරුදු 4 - 8 ත් අතර දරුවන් අතරය. කුඩා අවධියේදී නින්දෙන් ඇවිදීම සිදුකල අයෙකුට වැඩිහිටි විය තෙක්ම එම තත්ත්වය පැවතිය හැකි අවස්ථා ද වේ. නමුත් බොහෝ විට වැඩිවියට පැමිනෙත්ම මෙය මග හැරීයයි. නින්දෙන් ඇවිදීම කෙරෙහි බලපාන හේතු පහත පරිදි වේ.
x අධික තෙහෙට්ටුව,
x ප්රමාණයවත් හා ගුණාත්මක නින්දක් නොලැබීම,
x අධික ලෙස නිදිමැරීම.
x රාත්රී නින්දට නිතර නිතර බාධාවීම.
x උණ සහ අනෙකුත් ශාරීරික රෝගී තත්ත්වයන්.
x මානසික ආතතිය හා බිය.
x නිදා ගන්නා පරිසරය වෙනස්වීම.
x මත්පැන් පානය හා වෙනත් ඖෂධ වර්ගද ගැනීම.
මෙය පරම්පරාගත ලෙසද ඇතිවිය හැක. නින්දෙන් ඇවිදින ඇතැමුන් ඇවිදීමට අමතරව සිදුකරන තවත් ක්රියාවන් පවතී
x ඇද මත හිද ගැනීම
x නින්දෙන් කියවීම
x ඇඳමත වාඩි වී ඇස්පිස දැමීම හා ඇඳුමෙන් ඇදීම
x කථා කල විට ප්රතිචාර නොදැක්වීම
x කෑ ගැසීම
x නුසුදුසු ස්ථානවල මූත්රා කිරීම
x ඇතැම් පුද්ගලයන් නිවසෙන් පිටව ගොස් වාහනයක් පැදවූ අවස්ථාද ඇත.
නින්දෙන් ඇවිදින දරුවා බොහෝ විට ඇස් ඇරගෙන සිටියත් ඔවුන් නින්දේ ගැඹුරු අවස්ථාවේ පසුවන නිසා අවදි කිරිම තරමක් අපහසු වේ.
ප්රතිකාර
නින්දේ ගුණාත්මකභාවය හා සනීපාරක්ෂාව දියුණු කිරීමෙන් නින්දෙන් ඇවිදීම ඉබේ මගහරවා ගැනීමට හැක. සමහර අවස්ථාවලදී ඖෂධ ප්රතිකාර භාවිතා කිරීමටද සිදුවේ.
මෙහි බරපතලම කාරණය වන්නේ අනතුරු ඇතිවීමට ඇති හැකියාවයි. එම නිසා නින්දෙන් ඇවිදින දරුවන් හා වැඩිහිටියන් සිටින නිවසක ආරක්ෂාව ඉතා වැදගත්ය. නින්දෙන් ඇවිදින දරුවන් තට්ටු ඇදන්වල උඩ ඇදේ නිදිකිරීම ඉතා අනතුරුදායකය. එමෙන්ම ඇද අවට ඇති බිදෙන සුළු දේවල් ඉවත් කිරීම හා තියුණු ආයුධ ඉවත් කිරීමට වග බලා ගත යුතුය. දරුවා අවදි වූ බව දැන ගැනීමට සීනුවක් හෝ වෙනත් සංඥා උපකරණයක් යොදා ගැනීම ද වැදගත් වේ.
දරුවා නින්දෙන් ඇවිදින මොහොතේදී ඔහුව අවදි කිරීමට උත්සාහ කිරීම එතරම් නුවණට හුරුනොවන අතර නැවත ඇඳ වෙත යොමු කිරීම වඩාත් ආරක්ෂාකාරීය.
Comments
Post a Comment