එහෙත් අද මේ පෝෂණය සපිරි මහ පොළොව භයානක විපතකට මුහුණ පා තිබේ. එයට හේතුව ඉවක්‌ බවක්‌ නොමැති ව හෙළන ටොන් ගණනක්‌ වූ කෘෂි රසායන ය. කෘමිනාශක, වල්නාශක හා රසායනික පොහොර ඇතුළු අහිතකර කෘෂි රසායනයන්, අද මෙරට ගොවිබිම් රැසක සාරය විනාශ කර දමා අවසාන ය. ලෝක සෞඛ්‍ය සංවිධානයේ ප්‍රකාශනයන්ට අනුව හෙක්‌ටයාරයක්‌ සඳහා කෘමිනාශක හා වල්නාශක වැඩි ම ප්‍රමාණයක්‌ භාවිත කරන රට ශ්‍රී ලංකාවයි. 2012රැ2013 වර්ෂවල දී ශ්‍රී ලංකාව හෙක්‌ටයාරයක්‌ සඳහා භාවිත කර ඇති කෘෂි රසායන ප්‍රමාණය ඒකක 471කි. එය ලොව ප්‍රධාන කෘෂිකාර්මික රටවල් වන ඇමෙරිකාව, මියන්මාරය, චීනය වැනි රටවල් හෙක්‌ටයාරයක්‌ සඳහා භාවිත කරන කෘෂි රසායන ප්‍රමාණය ද ඉක්‌මවා ගිය ප්‍රතිශතයකි. මෙය කෘෂි රසායන භාවිතය තුළ ශ්‍රී ලංකාව මුහුණ පා ඇති ෙ€දවාචකයට කදිම නිදසුනකි. රසායනික පොහොර භාවිතය අතින් ද ශ්‍රී ලංකාව අද ලෝකයේ 8 වැනි තැනට පත් ව සිටින අතර ලොව සුවිශාල කෘෂිකාර්මික රටවල් පවා භාවිත නො කරන තරමේ රසායනික පොහොර ප්‍රමාණයක්‌ ශ්‍රී ලංකාව හෙක්‌ටයාරයක්‌ සඳහා භාවිත කරයි. මේ සා විශාල ප්‍රමාණයක්‌ වගාබිම් සඳහා රසායනික පොහොර භාවිතයට ශ්‍රී ලංකාව නැඹුරු වී ඇත්තේ කෘෂි රසායනික භාවිතය නිසා ම, පස නිසරු වී, වගාවන් ගෙන් සාර්ථක අස්‌වැන්නක්‌ නෙළාගැනීමට නො හැකි වී ඇති නිසා බව මේ දත්ත සනාථ කර පෙන්වයි. අපේ සරු පස රසායනික පොහොර ආක්‍රමණයට මැදි වී මැරී ගිය නිසරු පසක්‌ වී අවසාන ය. ඒ නිසා පසෙහි පළ නෙළන්නට දිගින් දිගට ම රසායනික පොහොර මත යෑපෙන්නට සිදු වී තිබීම ශ්‍රී ලංකාවේ කෘෂිකාර්මික ක්ෂේත්‍රය මුහුණ පා ඇති සදාතනික ගැටලුවකි.
ශ්‍රී ලංකාවේ සමස්‌ත වගාබිම් ප්‍රමාණය හෙක්‌ටයාර 2,645,000කි. මේ වගාබිම් සියල්ලට ම මෙතෙක්‌ හෙළා ඇති රසායනික පොහොර ප්‍රමාණය මෙතෙකැයි කියා නිම කරන්නට බැරි ය. එසේ ම ඉන් සිදු වූ පාරිසරික හානිය ද තක්‌සේරු කළ නොහැකි ය. ඒ වෙනුවෙන් විදේශයන්ට ඇදී ගිය ජාතික ධනය රුපියල් බිලියන ලක්ෂ ගණනකි. මේ සා විශාල මුදල් සම්භාරයක්‌ වැය කර අප මහ පොළොව මත හෙළන රසායනික පොහොර නිසා සිදු වූ විනාශයේ ඵල මේ වන විටත් අප භූක්‌ති විඳින්නට පටන්ගෙන ය. එහෙත් ඒ ෙ€දනීය ප්‍රතිඵලවල දරුණුතම විපාක විඳීමට සිදු වන්නේ ඔබේත් මගේත් අසරණ දරුවන්ට මෙන් ම දරුවන්ගේත් දරුවන්ට ය.වගාබිම් සඳහා රසායනික පොහොර දිගින් දිගට ම යෙදීමේ ප්‍රතිඵලය වන්නේ, ඵලදාව අඩු වීම, ශාක රෝගී වීම මෙන් ම, ස්‌වාභාවිකත්වයෙන් තොර ඵලදාවක අනිටු විපාකවලට අපට මුහුණ පෑමට සිදු වීමයි. මේ විනාශය අන් කිසිවකුත් නො ව අපි අපට ම කරගත් විනාශයකි. රසායනික පොහොරවලින් සිදු වන ප්‍රධානතම හානියක්‌ වන්නේ ජල මූලාශ්‍ර හරහා ඒවායේ ඇති විෂ රසායන මිනිස්‌ සිරුරට ඇතුළු වීමයි. මේ වන විටත් ජලයට මුසු වී ඇති Arzenic, Cadmium වැනි බැර ලෝහ නිසා දහස්‌ ගණනක්‌ ශ්‍රී ලාංකිකයන් රෝගීන් බවට පත් කර ඇත. මිනිසුන් පොළොවට හෙළුE රසායනික පොහොර ටොන් කීයක්‌ ජලයට දිය වී මේ වන විට ඔබ දිය බොන ළිඳට, නාන ඇළට, ජල නළ ඔස්‌සේ නිවසට එන ජලයට මුසු ව ඇත් දැයි සිතා බැලුවොත් ඔබ අවට ජීවත් වන කී දෙනෙකු සොයාගත හැකි හා සොයාගත නො හැකි ලෙඩ රෝගවලට ගොදුරු වී ඇත් දැයි පරීක්ෂා කළ හොත් එම බොහෝ ප්‍රශ්නවලට හේතුව අප පොළොවට හෙළු මාරාන්තික රසායන බව ඔබට ම තහවුරු කරගත හැකි ය.
එසේ ම මාරාන්තික රෝග ගණනාවකට අනාගතයේ දී ද ඔබේ දරුවා ගොදුරු කරගන්නට මේ රසායනික පොහොර තවදුරටත් සූදානම් ය. ඔබ වී ගොවිතැන කළත්, අල, ලූනු, එළවළු හෝ පලතුරු වගාවේ නියෑළුණත්, තේ, පොල්, රබර් වැනි අපනයන බෝග වගා කළත්, මල් වගා කළත් ශ්‍රී ලංකාව මුහුණ දී ඇති රසායනික පොහොර ෙ€දවාචකයේ ගොදුරක්‌ බවට ඔබ පත් ව සිටින බව නිසැක ය. මුළුමනින් ම රසායනික පොහොර මත යෑපෙන කුමන බෝගයක්‌ වගා කළත් රසායනික බෝග භාවිතයේ අනිටු විපාකවලට ඔබ දැනටමත් මුහුණ පා ඇත. ශ්‍රී ලංකාවේ වගාබිම් සියල්ල එදා අතිශය සශ්‍රීක ඉඩම් වේ. එහෙත් දිගින් දිගට ම මේ සශ්‍රීක ඉඩම්වලට රසායනික පොහොර මිශ්‍ර කිරීමේ ප්‍රතිඵලය වී ඇත්තේ පසෙහි ආම්ලිකතාව වැඩි වී එහි සමතුලිත බව බිඳ වැටී 100%ක්‌ ම කෘත්‍රිම පොහොර මත යෑපෙන්නට සිදු වන මට්‌ටමකට පස නිසරු වීමයි. අද, ගසට වැඩෙන්නට සිදු වී ඇත්තේ සරු පසක්‌ මත නො ව රසායනික පොහොර තට්‌ටුවක්‌ මත ය. මහ පොළොවට හෙළීම සඳහා අද ශ්‍රී ලංකාව වාර්ෂික ව ආනයනය කරන රසායනික පොහොර ප්‍රමාණය මෙටි්‍රක්‌ ටොන් 700,000 ඉක්‌මවයි. ඒ සඳහා වසරකට විදේශයන්ට ඇදී යන මුදල රුපියල් බිලියන 60 ඉක්‌මවයි. ඒ අතරින් පොහොර සහනාධාරය ලෙස රජයට වාර්ෂික ව දැරීමට සිදු වන වියදම රුපියල් බිලියන 40 ද පසු කර ඇත. මේ දත්ත මඟින් හෙළි වන්නේ මෙරට කෘෂිකර්මාන්තය කෙතරම් දරුණු ලෙස රසායනික පොහොර භාවිතයේ ගොදුරක්‌ බවට පත් ව ඇත් ද යන්නයි. එසේ නම් රටට ආදරය ඇති සැබෑ ශ්‍රී ලාංකිකයන් ලෙස මේ ෙ€දවාචකයෙන් මිදීම සඳහා දැන් තීරණයක්‌ ගත යුතු කාලය එළැඹ තිබේ. තවදුරටත් මේ විනාශකාරී රසායන එලෙසින් ම භාවිත කොට වගාවේ අනාගතයත්, රටේ ආර්ථිකයත්, රටේ අනාගතයත් විනාශ කිරීමට හවුල් වනවා ද? එසේත් නැත්නම් බුද්ධිමත් ව සිතා බලා මේ අර්බුදයෙන් ගොඩ ඒම සඳහා පිළියමක්‌ සොයනවා ද යන්න ඔබ මත පැටවී තිබේ. අපගේ ඓතිහාසික ජීවන වෘත්තිය වූ කෘෂිකර්මය, විදේශිකයන් විසින් රසායනික පොහොර ආක්‍රමණයන්ට හසු කරගනු ලැබ ඒ හරහා රටේ ආර්ථිකය ම හැසිරවීමේ බලය තමන් සතු කරගෙන අවසන් ය. එහෙත් ඒ බලය යළිත් අප සතු කරගන්නට තවමත් ප්‍රමාද නැත. විසඳුම දැන් ඔබ හමුවේ ඇත. අවශ්‍ය වන්නේ බුද්ධිමත් ව රට ගැන සිතා තීරණයක්‌ ගැනීම පමණි.
Comments
Post a Comment